L'espasa de Moïses

L'espasa de Moïses (חרבא דמשה Ḥarba deMoše en arameu) es lo nom d'un tractat de magia cabalistica que fai partida daus libres apocrifs de l'Ancian Testament. Fuguet publicat per l'ebraïsta Moses Gaster en 1896 a partir d'un manuscrich daus segles XIII o XIV de sa pròpria colleccion. S'apiejant sus 'na letra de Hai Gaon (939-1038), que menciona "L'espasa de Moïses" a costat dau Sefer haYašar (un autre libre de formulas magicas), Gaster estima possible de li atribuir 'na data de composicion anteriora au segle XI, podent remontar aus 4 prumiers segles de l'era comuna.