L'Aujariá Nauta

Patrimòni Mondial de l'UNESCO
L'abric de L'Aujariá Nauta, dins la Val de Vesera
Fragment de fuèlha de laurièr solutreana - Edoard Lartet - Musèu de Tolosa

L'abric preïstoric de L'Aujariá Nauta se tròba en riba drecha de la val de Vesera, a las Aisiás de Taiac, en Sarladés, dins la region istorica de Peiregòrd e lo departament de Dordonha.

Las recèrcas comenzadas en 1863 se seguiguèron en 1911, en 1921, e de 1936 a 1939. Las cèrcas permetèron d'establir mantun jaç de terren, mostrant l'importància d'aqueste site ocupat per l'òme sens interrupcion durant un periòde d'aperaquí 20 000 ans, al Gravetian, al Solutrean e al Magdalenian, en mai de descobrir un grand nombre d'ustensilhas en òs e en selze.

Dempuèi 1979, fa partida del Patrimòni Mondial de l'Umanitat de l'UNESCO, en associacion amb d'autres jaces e caunas pintadas de Peiregòrd sota lo nom de « Sites preïstorics e caunas ornadas de la val de Vesera ».