L'Aujariá Bassa
L'Aujariá Bassa es un site paleolitic d'Occitània situat dins un abric de las Aisiás, dins la val de Vesera, en Sarladés, dins la region istorica de Peirigòrd e lo departament francés de Dordonha.
Prigond d'aperaquí 15 m e long d'aperaquí 50 m, lo site es pas estat complètament cercat. Se compausa en efièch de dos abrics: l'abric classic e l'abric de las Marselhas. Quand Edoard Lartet excavèt lo site al cors dels ans 1860, enregistrèt pas amb precision l'estratigrafia del jaç, que seriá fixada als environs de la Primièra Guèrra Mondiala: s'i destria 4 estadis del Magdalenian, de III a VI, durant la Glaciacion de Würm. Demest los 600 objèctes trobats, cal remarcar mantuna òbra magdaleniana coneguda, entre d'autras una estatueta de femna amb lo cap copat apelada «Vènus impudica» descobèrta pel marqués de Vibraye vèrs 1864 en mai d'una pichona placa apelada «Femna amb rangièr».
Lo site fa partida del Patrimòni Mondial de l'Umanitat de l'UNESCO dempuèi 1979, en associacion amb d'autres sites e caunas pintadas de la region jol nom de «Sites preïstorics e caunas ondradas de la val de Vesera»
Bibliografia
modificarLigams extèrnes
modificar- (fr) Presentacion de l'abric de L'Aujariá Bassa dins lo site del Pòl Internacional de la Preïstòria
