L'Armanhaquesa es una cançon que la musica es de L. Dupuy e que foguèt cantada per primièr còp a las fèstas d'Eusa de l'Escòla Gaston Febus en 1934.

Paraulas de l'Armanhaquesa modificar

Ò país d'Armanhac! Ò Gasconha ma mia!
Ès lo flòc, lo flòc do Miegjorn, lo brèç de mas amors.
Qu'aimi ton bèth parlar, baumat de poesia,
Las hadas, tos ostaus, tos gaires trobadors
Ò país d'Armanhac! Ò Gasconha ma mia!
Ès lo flòc do Miegjorn, lo brèç de mas amors

1. Ben son polits tos bòscs e tas verdas colinas
Dab sos grans cassos blancs, tas comas dab l'arriu
Caperat d'abranons, de flòcs, de laurentinas,
On vengan s'ombrejar, pos sequèrs de l'estiu,
Los ausèths do bon Dieu!

2. Coma los nòstes vièlhs gardarèi lo lengatge
Que d'aubuns an cambiat per un lèd francimand.
Vòi demorar gascon, soi fièr de mon vilatge,
De son cloquèr ponchut, acarat au levant
Autant haut qu'un lugran.

3. Ma lenga dens la boca en devisar s'ahila
E tiri mon berret per cantar tot cap nu:
"Aus flandrins las aunors, los plasers de la vila!
A jo mon sorelh d'aur, mon cèu pintrat de blu,
Estelat a l'escur!"

4. Se, per cas, l'estrangèr d'un uelh gelós espia
Horar lo picapoth qui riuleja mostós,
Cantem Èusa gairesa e son aiga de via,
Licor que lo bon Dieu hasoc endos gascons,
Totjorn un pauc gloriós.

5. Deguens nòste Armanhac las dròllas que hèn hisa
Dab sos grans uelhs hissants e sas frescas colors;
Do Midon tan vantat aus taps de la Baïsa,
Sos pòts pareishan hèits ende balhar potons
Aus goiats amorós.

6. De son fièr Armanhac la Gasconha es gloriosa.
Coma ua reina l'es dos huecs d'un diamant,
Coma l'es de sa hilha ua mair amistosa,
Lo pepè d'un rehilh esberit e cinglant,
La dròlla d'un galant.