L'Affaire Louis' Trio

L'Affaire Louis' Trio èra un un trio francés de pop creat en 1982 a Lion (França), qu'èra al som a la fin de las annadas 1980 e a la debuta de las annadas 1990.

Los tres sòcis fondators del grop, totes d'origina lionesa, son lo cantaire Hubert Mounier (escaissat Cleet Boris), tanben autor de bendas dessenhadas, nascut lo 21 de setembre de 1962, mòrt lo 2 de mai de 2016, Vincent Mounier (escaissat Karl Niagara), nascut lo 7 de febrièr de 1967, e François Lebleu (escaissat Bronco Junior), nascut lo 13 d'octobre de 1965 e mòrt lo 19 de decembre de 2008.

Après un pichon succès pel tròç Ce soir en 1986, lo grop obten un primièr tube vertadièr en França pendent l'estiu de 1987 ambe lo títol Non tout mais pas ça puèi còp sec empòrta la Victòria de la musica de la « revelacion varietats masculina » ambe son primièr album, Chic planète. Lo 45 torns Chic planète es publicat a la tota fin de l'annada 1987 e ven un gròs tube festiu en França a la debuta de l'annada 1988.

En 1993, L'Affaire Louis' Trio torna al primièr plan ambe l'album Mobilis in mobile gràcias al single eponim qu'es tornarmai un tube. Mas en seguida lor succès declinarà : aital, la baissa de popularitat del grop e la lassièra fan que L'Affaire Louis' Trio se separa en 1998.

Discografia

• 1987 : Chic planète
• 1988 : Le Retour de l'âge d'or
• 1990 : Sans légende
• 1993 : Mobilis in mobile
• 1995 : L'Homme aux mille vies
• 1997 : L'Affaire Louis Trio (Europium 97)

Cançons mai conegudas

• Ce soir (1986)
• Non tout mais pas ça (1987)
• Chic planète (1987)
• Bois ton café (1988)
• Il y a ceux (1988)
• Succès de larmes (1989)
• Chacun de son côté (1990)
• Nous, on a tout (1991)
• Mobilis in mobile (1993)
• Loin (1993)
• Le capitaine (1993)
• L'Homme aux mille vies (1995)
• Le meilleur des mondes (1995)