Kimberly Bryant

Kimberly Bryant (Memphis, Estats Units, 14 de genièr de 1967) es una engenhaira americana. En constatar la preséncia escassa de gents d'origina africana demest, fondèt en 2011 l'organizacion educativa non-lucrativa Black Girls CODE (BGC). En 2013 la revista americana Business Insider la situèt demest los 25 afroamericans mai influents dins lo domeni de la tecnologia.

Biografia

Kimberly Bryant nasquèt en 1967 a Memphis. Estudièt a la Memphis Central High School abans d'integrar l'Universitat Vanderbilt de Nashville. S'i diplomèt en engenhariá electrica en 1989 e trabalhèt puèi per las firmas Westinghouse Electrics e DuPont. S'endralhèt posteriorament cap a la biotecnologia e mai tard l'industriá farmaceutica qu'i trabalhèt per Pfizer, Merck, Genentech e Novartis.

Foguèt en 2011 quand sa filha Kai, qu'en aquel temps aviá pas que 10 ans, participèt a de corses de programacion informatica ont èra la sola dròlla negra que Kimberly decidiguèt de s'avodar a l'educacion de las dròllas afroamericanas e creèt l'organizacion Black Girls Code. Lo succès de l'iniciativa que s'espandiguèt lèu dins totes los Estats Units e mai en Africa del Sud, faguèt qu'en 2013 Bryant recebèt lo Prèmi White House Champion of Change for Tech Inclusion.