Juli Ier

Juli I^èr (vèrs 280 - 12 d'abriu de 352) fuguèt lo 35^en papa de la Glèisa Catolica Romana dau 6 de febrier de 337 au 12 d'abriu de 352. Succediguèt a Marc (genier - octòbre de 336) après quatre mes de vacanças de la papautat e fuguèt remplaçat per Libèr (352-366).

Retrach dau papa Juli I^èr dins la Basilica de Sant Pau Fòra lei Muralhas.

Son pontificat fuguèt centrat sus la lucha còntra l'eresia ariana e leis opausants ai decisions dau concili de Nicèa de 325. En particular, organizèt un sinòde a Roma en 340-341 per condamnar l'arianisme. A Roma, ordonèt la bastida de la Basilica dei Dotze Apòstols e de la Basilica Santa Maria de Trastevere onte sa tomba fuguèt transferida en 790 per lo papa Adrian I^èr.