Judàs lo Galilean

Judàs lo Galilean o Judàs de Gamala o Judàs hilh de Ezequias qu'estó un cap revolucionari qui miè ua susmauta en Galilèa contra lo recensament de Quirin en l'an 6, au moment qui Judèa e vadó ua província romana arron de la destitucion d'Arquelau. Qu'auré fondat segon Flavi Josèp un movement distint deus saducèus, deus farisèus e deus essenians aperat la "quatau filosofia" qui eth e considèra com responsabla de la revòlta judiva de 66-73 e de la destruccion deu Temple de Jerusalèm en 70. Los escriuts de Flavi Josèp (Guèrra deus judius II, 8:1 e 17:8 e las Antiquitats judivas libe XVIII) que son las solas honts au son subjècte, levat ua brèva mencion dens los Actes deus Apòstols (5:37).