Joan de Giscala

Joan de Giscala, hilh de Leví, qu'estó un deus caps judius de la grana susmauta contra los romans. Qu'èra originari de Guš Ḥalav (גוש חלב en ebrèu, transcriut Γίσχαλα Gischala en grèc), en Hauta Galilèa. Durant la Purmèra guèrra judèoromana, las vilas de Galilèa que tombèn successivament, mes a la debuta deu sièti de Giscala, Joan que s'i escadó a húger gràcias a ua engana e qu'arrejunhó los defensors de Jerusalèm dab quauqu'uns deus sons partidaris. Que i contunhè lo son combat dinc a la presa de la vila, la destruccion deu temple e l'incendi de mantun quartièr. Hèit presoèr peus romans, qu'estó condemnat a la preson perpetuau arron d'aver devut participar au trionf de Tit e Vespasian a Roma en companhia de Simon bar Giora e de milèrs de judius presoèrs.