Joan Loís Dencausse de Gantias

Joan Loís Dencausse de Gantias, vadut en 1743 a Gantias (Comenge) près d'Aspèth, defuntat en 1812 a Agassac (Savés), qu'ei un aristocrata de vielha familha comengesa qu'ei estat guarda deu còs deu rei d'Espanha Carles IV.

Qu'ei lo hilh de Jérôme, baron d'Encaussa, senhor de Casaus e co-senhor de Gantias, e de Marie Miquel de Saint-Gème. Qu'èra oficièr de cavaleria .

En 1789, que participa a l'amassada entà la designacion deus deputats de la noblesa comengesa aus Estats-Generaus. Lo son castèth de Gantias qu'ei estralhat per ua susmauta paisana pendent lo rambalh de l'estiu de 1789 en seguida a la presa de la Bastilha, puèi qu'ei empresonat a la preson de Sent Gaudenç (Nebosan) pendent la Terror (1793-1794). Liberat après la caduda de Robespierre, que s'installa alavetz au domicili de la soa hemna, Marie de Cazassus, au castèth de Bolhac a Agassac (Savés). Lo son hilh, Jérôme, que veng purmèr cònsol d'Agassac dinc en 1824.