Jeanne Rousselois

Jeanne Rousselois, aprèp maridatge Jeanne Fay, tanben coneguda jos l'escais Mme Bachelier (1781 - Versalhas, 30 de decembre de 1865) foguèt una cantairitz francesa pro famosa a son epòca.

Biografia

Jeanne Rousselois nasquèt en 1781 dins una familha d'artistas, sa maire Marie Wilhelmine Rousselois èra una cantairitz pro famosa. Jeanne comencèt sa carrièra teatrala en 1797 amb una brava capitada jos l'escais de "Mme Bachelier" al teatre Feydeau abans de frequentar la scèna del teatre Favart. Se maridèt amb lo compositor Étienne Fay, e aguèron tres enfants: un dròlle Jean-Jacques Auguste (1792), escaissat "Baron", e doas filhas Élisa (en 1806), Léontine (en 1810) que venguèt una actritz plan celèbra. Tre 1820 laissèt lo teatre per s'avodar a l'educacion de sos enfants.