J. L. Austin

John Langshaw Austin (26 de març de 1911- 8 de Febrièr de 1960) foguèt un lingüista britanic conegut per sa teoria dels actes de paraula.

Vida

J. L. Austin estudièt las Letras classicas coma formacion iniciala. Après la Segonda Guèrra Mondiala, ensenhèt la filosofia morala a Oxfòrd.

Pendent las annadas 1950, donèt de lecturas a Harvard e Berkeley. Es en particular sas lecturas a Harvard, conegudas jol nom de Williams James Lectures, que joguèron un ròtle essencial vist que seràn publicadas en 1962 jol nom del famós How to do Things with Words. Moriguèt en 1960 d'un cancer dels palmons.

Òbras

Gaireben totas las òbras de Austin son postumas. Foguèron publicadas pauc après sa mòrt.

1 How to Do Things With Words (Coma far de causas amb de mots): En oposicion amb la vison positivista del mond, demòstra que los enonciats son sonque en partida portaires de valors de vertat. Dins aiceste libre desvolopèt sa teoria dels actes de paraula e los enonciats performatius.

Aprèp qualques trantalhaments e balançaments, aprigondissèt e aclarèt los concèptes d'actes de paraula. Es atal que definiguèt: los actes illocucionaris, los actes perlocucionaris, los actes locucionaris, lo rèma (rheme), l'acte retic (rhetic), l'acte fatic (phatic).

2 Sense and sensibilia.(Dels Senses e del sensible). Aquel libre repren lo titre d'un tratat d'Aristòtel. Critica e s'opausa a la filosofia de la percepcion que privilegia los ''sense data'' (donadas dels senses). Aquela filosofia, representada per Bertrand Russell o A.J. Ayer, postula que los senses dependan de l'esperit e que las proprietats son conegudas directament per percepcion.

Bibliografia

Libres

• Sense and Sensibilia. Ed. G. J. Warnock. Oxford: Oxford UP, 1964.
• Philosophical Papers. Ed. J. O. Urmson and G. J. Warnock. Oxford: Oxford UP, 1961, 1979.
• How to Do Things With Words. The William James Lectures delivered at Harvard University in 1955. Ed. J. O. Urmson, Oxford: Clarendon, 1962.

Articles

• "How to Talk: Some Simple Ways". Proceedings of the Aristotelian Society. 53 (1953): 227-246.
• "Other Minds". In Austin, Philosophical Papers, ed. J. O. Urmson & G. J. Warnock. Oxford: Oxford University Press, 1961 [Originally published in 1946].
• "Performative Utterances". In Austin, Philosophical Papers, ed. J. O. Urmson & G. J. Warnock. Oxford: Oxford University Press, 1961.
• "A Plea for Excuses". In Austin, Philosophical Papers, ed. J. O. Urmson & G. J. Warnock. Oxford: Oxford University Press, 1961.
• "Performative-Constative". In The Philosophy of Language, ed. John R. Searle. Oxford: Oxford UP, 1971. 13-22.
• "Three Ways of Spilling Ink", The Philosophical Review, 75, no. 4 (October 1966): 427-440.