Jòc d'argent
Un jòc d'argent es un jòc associat amb un interessament financier a l'eissida de la partida. Pasmens, per i participar, cada jogaire dèu engatjar una certana sòma que serà, totalament ò parcialament, perduda en cas de desfacha ò aumentada en cas de gasanh. Aquelei jòcs semblan fòrça ancians coma l'atesta la descubèrta d'un dat de sièis fàcias datant de 3 000 avC en Mesopotamia. Susceptibles de roïnar lei jogaires e de crear de trèbols sociaus grèus, foguèron condamnats e, de còps, reprimits per leis autoritats religiosas ò estatalas mai capitèron de se mantenir e de se diversificar.
