Isoptera
Dins las classificacions ancianas, los isoptèrs (Isoptera) son un òrdre d'insèctes, sosclassa dels Pterigòts, seccion dels Neoptèrs, division dels Emimetabòls, superòrdre dels Ortopteroïdats.
Se caracterizan per :
- d'alas omonòmas,
- un cap ortognat,
- d'antenas monolifòrmas,
Los Isoptèrs son d'insèctes socials del còrs mòl. Son comunament coneguts jol nom de termits. Los « obrièrs » e los « soldats » son aptèrs, los termits sexuats son alats, las alas son perdudas aprèp lo vòl nupcial. Son lucifugs (fòra dels imagos alats) e sovent cecs.
Existís environ 1200 espècias de termits, regropadas en familhas que las principalas son :
- los Mastotermitids, los pus primitius amb un tars de 5 articles,
- los Calotermitids, amb un tars de 4 articles,
- los Termopsids, amb un tars de 4 o 5 articles e pas d'ocelles,
- los Olotermitids, sens ocelles,
- los Rinotermitids,
- los Termitids.
