Intel (Nasdaq: INTC) es una entrepresa multinacionala fondada per Gordon Moore e Robert Noyce en 1968, que fabrica microprocessadors, circuits integrats especializats e d'autres dispositius electronics.

Intel Inside Corporation logo

Gordon Moore o Robert Noyce volián nomenar a l'entrepresa 'Moore Noyce', mas sonava pas gaire plan per una entrepresa de compausants electronics, — Moore Noyce se sembla fonèticament a 'More Noise': mai bruch ont 'bruch' en l'electronica significa interferéncias pas desiradas (parasitàries) — e decidiguèron prene las siglas de 'Integrated Electronics' (Electronica Integrada). Aquel nom èra enregistrat per una cadena otelièra, e lor calguèsse crompar los dreches per poder l'utilizar.

La companhiá comencèt coma fabricanta de memòrias abans de donar lo grand saut cap als microprocessadors. Lo primièr microprocessador d'Intel foguèt creat lo 1971 per facilitar lo dessenh d'una calculadora. Alloc d'aver de dessenhar desparièrs circuits integrats per cada part de la calculadora, ne dessenhèron un que segon un programa emmagazinat a la memòria fasiá unas accions o unas autras (un microprocessador). Se contunha uèi lo jorn en debatent sus l'autoria del primièr microprocessador.

Intel domina lo mercat dels microprocessadors x86. A l'ora d'ara, l'unic competitor important de Intel dins lo mercat dels microprocessadors x86 es Advanced Micro Devices AMD, entrepresa qu'Intel arribèt amb el a un acòrdi per'mor de partejar tecnologia: cada sòci podiá utilizar las innovacions tecnologicas patentades per l'autre sens qu'aiçò representèsse cap de còst.