Hoggar

Es montanhes de Hoggar , tamben conegudes coma Ahaggar, son ua region nauta en eth centre deth desèrt de Sahara, en eth sud d'Argeria, ath cant deth Tropic de Cancer. Son plaçades a 1.500 Km ath sud deth caplòc, Argiers. Era region ei un gran desèrt d'arroques damb ua nautada de 900 metres sus eth nivèu deth mar. Eth punt mès naut, Mont Tahat, ei plaçat a 3.003 metres. Assekrem ei un lòc plan famós e plan visitat pr'amor qu'en aguest lòc Charles de Foucauld() bastisséc en 1911 ua ermita. Era vila mès grana des montanhes de Hoggar ei Tamanrasset, bastit en ua vath desertica o wadi.

Environament

Es montanhes deth Hoggar son ua cadia de montanhes volcaniques damb un ostiu plan caud e damb un iuern plan heired (es temperatures caden per dejós des 0 grads en iuern. Aguesti montanhes son joenes (an sonque dus milions d'annades). Era plueja ei inabituau e esporadica. Totun, eth clima ei mens extrem qu'en d'auti lòcs deth Sahara. Atau, son un lòc a on i a ua major biodiversitat e especias en perilh.

Aguesti montanhes son tamben ua part d'era ecoregion de bòsqui xeric montanhenc der oèst deth Sahara. Tamben ei a on i trapam un parc nacionau argerian.

Fauna e Flora

En er oèst dera cadia deth Hoggar, era populacion der Lycaon pictus ( un can caçaire a ratlhes ) demorec en petiti grops ath long deth sègle XX més adar semble que viu pas més ena region (2). I auia agut tamben traçes de presencia d'aguesti carnivòrs enquia hé relatiuament poc temps (3)(4).

Pintures

Era populacion preïstorica ei clara donques i a pintures de -6000aC. era cadia deth Hoggar ei era terra des tuaregs de Kel Hoggar. Era tomba de Tin Hinan, era hemna que se cre que siguec er ancessor des tuaregs ei plaçada en Abelessa, un ovassís pròche de Tamanrasset. Segontes era legenda es Tim Lam son dera region de Tafilalt ena region des montanhes der Atlàs deth Marròc.

Referencies

1.- ^ Sattin, Anthony Ham, Nana Luckham, Anthony (2007). Algeria (1st ed. ed.). Footscray, Vic.: Lonely Planet. p. 188. ISBN 1741790999.

2.- ^ C. Michael Hogan. 2009

3.- ^ see Busby, 2006,

https://web.archive.org/web/20200921110628/http://users.ox.ac.uk/~some2456/docs/Busby_GBJ_North_African_Cheetah_thesis.pdf.

4.- https://web.archive.org/web/20160304112439/http://users.ox.ac.uk/~some2456/docs/Carniv_Mol_Gen_Ahaggar_Report_2006.pdf

5.- ^ Peter Haggett. 2001

Bibliografia

º Peter Haggett. 2001. Encyclopedia of World Geography, Published by Marshall Cavendish, 3456 pages ISBN 0-7614-7289-4, 9780761472896

º C. Michael Hogan. 2009. Painted Hunting Dog: Lycaon pictus, GlobalTwitcher.com, ed. N. Stromberg

º Jeremy Keenan. 1977. "The Tuareg: People of Ahaggar", Published by Allen Lane, Penguin Books Ltd., London, 385 pages, ISBN 0-7139-0636-7

Pàgines Web

º (French) A website about the park

º Park data on UNEP-WPMC Montanha d'Africa