Harry Styles
Harry Edward Styles, nascut lo 1èr de febrièr de 1994 a Redditch (Anglatèrra), es un cantaire, musician e actor britanic.
En 2010, participa a l'emission de cant The X Factor e forma lo boys band anglo-irlandés One Direction ambe l'irlandés Niall Horan, los angleses Louis Tomlinson e Liam Payne, e lo britanic anglo-paquitanés Zayn Malik. En seguida de la partença del cantaire Zayn Malik en 2016, One Direction fa una pausa. Harry Styles comença alara una carrièra sòlo.
Son primièr album, Harry Styles, sortís en 2017. Se classa demest los dètz melhors albums au Reialme Unit e aus Estats Units.
En 2019, son segond album, Fine Line, puja dins las primièras plaças dels classaments mondials.
A la debuta de 2022, sortís lo single As It Was qu'anóncia son tresen album Harry's House.
Harry Styles es tanben actor, a per exemple jogat dins lo film Dunkirk de Christopher Nolan. Apareis dins los films Don't Worry Darling d'Olivia Wilde e My Policeman de Michael Grandage. Pendent la sortida del film Les éternels produch per Marvel Studios, Harry Styles fa una corta aparicion a la fin, anonciant son ròtle de Starfox.
Es lo primièr mascle a pausar per la revista Vogue en 2020. L'annada seguenta, desvèla sa marca de cosmetica pas genrat, Pleasing. Una collaboracion entre lo cantaire e Gucci espelís en novembre de 2022.[1]
Discografia (en sòlo)
modificar- 2017: Harry Styles
- 2019: Fine Line
- 2022: Harry's House
Cançons mai conegudas
modificar- Sign of the Times (2017)
- Lights Up (2019)
- Adore You (2020)
- Falling (2020)
- Watermelon Sugar (2020)
- Golden (2020)
- As It Was (2022)
- Late Night Talking (2022)