Harry Houdini
Erich Weisz (24 de març de 1874, Budapèst - 31 d'octòbre de 1926, Detroit), dich Harry Houdini, es un prestidigitator estatsunidenc d'origina ongresa. Sa carriera comencèt vèrs 1891 e venguèt famós en 1898 gràcias a d'espectacles d'evasion de cellulas de polícia. Compliquèt pauc a cha pauc aqueleis espròvas en ajustant d'elements coma de còrdas ò de cadenas. En parallèl, creèt d'autrei tipes d'espectacles, luchèt còntra leis enganas dau movement espiritualista, escriguèt de libres sus la magia e joguèt dins de films.
