Harry Blech

Harry Blech, CBE, (nascut lo 2 de març 1910 a Londres; mòrt lo 9 de mai 1999), èra un violonista e cap d'orquèstra britanic.

Biografia

Blech estudièt lo violon al Trinity College of Music ambe Sarah Fenwick, puèi al Manchester College of Music ambe Arthur Catterall e acabèt la formacion a Praga ambe Otakar Ševčík. En 1929 e 1930, foguèt membre de l'Orquèstra Hallé. En 1930, venguèt membre de la BBC Symphony Orchestra jos la direccion d'Adrian Boult.

Dempuèi lo mièg de las annadas 1930, participèt tanben a mai d'una formacion de qüartets de còrdas, mai que mai ambe Edward Silverman, Douglas Thompson e William Pleeth, e aprèp ambe Max Salpeter, Keith Cummings e Douglas Cameron.

Comencèt al còp una carrièra de cap d'orquèstra. En 1942, Fondèt los "London Wind Players". A la suggestion de la pianista Dorothea Braus, fondèt en 1949 los London Mozart Players. L'orquèstra se ganhèt una reconeissença internacionala ambe l'interpretacion de las òbras de Mozart, Haydn, Beethoven e Schubert, atal coma dels compositors contemporanèus. Quand Blech prenguèt la retirada en 1984, aviá jogat ambe'ls London Mozart Players dins a l'entorn de dos cents vilas e ambe quicòm coma dos cents solistas. En 1962 e 1984, recebèt l'Òrdre de l'Empèrie britanic (OBE, valent a dire oficièr, en 1962, CBE, valent a dire comandaire, en 1984).

Ligams extèrnes

• Obituary. The Guardian, 12 de mai 1999, consultat lo 22 de junh 2016

Nòtas e referéncias

• L'article es una traduccion de l'article alemand