Hans Moravec, nascut lo 30 de novembre de 1948en Àustria, es enseinhaire cercaire al centre de robotica de l'universitat Carnegie-Mellon. Se faguèt conéisser mejans sas òbras sus la robotica, l'intelligéncia artificiala mas tanben pels seus articles sus l'impacte de las nòvas tecnologias. Moravec es un futurològ que los escrichs e las prediccions s'inscrivon dins lo corrent transumanista.

Biografia modificar

Moravec passèt doas ans al collègi Loyola de Montreal abans de s'inscriure à l'universitat Acadia ont obten son bachilierat de matematicas en 1969. En 1971, obtenguèt un master a l'universitat de Western Ontario, puèi un doctorat a l'universitat Stanford realizant un robot equipat d'una camèra de television, contrarotlat a distança per un ordinator. Lo robot aviá la capacitat de se desplaçar evitant los obstacles plaçat sus son percors. Contunhèt d'inovar melhorant la capacitat dels robots a cartograficar l'espaci e s'i reparar a l'ajuda de mapas de punts 3D. Tanben desvolopèt l'idèa d'un robot fractal.

En 2003, Moravec fondèt amb un associat la companhiá SEEGRID, amb per objectiu de fabricar un robot complètament autonòma, capable de se desplaçar sens intervencion umana. Moravec es tanben conegut per sas òbras suls cables utilizats per la propulsion captiva[1].

Publicacions modificar

Dins un libre titulat Mind Children (Los Enfants de l'esperit), Moravec expausa brèvament la lei de Moore e l'avenir dels organismes artificials. Bastís un scenari e un calendièr sus l'evolucion de l'intelligéncia artificiala e lo biais que tend a s'aprochar de l'intelligéncia umana[2], scenario que remembra aquel d'Isaac Asimov que predisiá que los robots serián venguts una novèla espècia artificiala pels an 2030-2040[3].

Dins un autre obratge Robot: Mere Machine to Transcendent Mind (Robot: de la simpla maquina à l'intelligéncia transcendenta), paregut en 1998, analisa las implicacions de l'evolucion de l'intelligéncia artificiala.

Moravec tanben escriguèt sus la logica de bocla temporala.

Influéncia sur la sciéncia ficcion modificar

Moravec es una font d'inspiracion pels autors de sciéncia ficcion coma Dan Simmons, que nomenèt moravecs los cibòrgs autoreplicaires de son roman Ilium. Ken MacLeod torna utilizar l'idèe d'un robot fractal dins La Division Cassini (1998). Lo roman de Charles Stross, Accelerando, conta cossí de paramètres descrivon l'estat del sistèma nervós dels panulirus interruptus, una espècia de ligombau, son cargats sus internet ont desvolopan una consciéncia de se. La tecnologia d'imatjeria cerebrala utilizada per efectuar lo parametratge inicial pòrta lo títol d' Operacion Moravec. Robert Forward cita son nom dins lo roman Rocheworld que conta l'istòra d'un robot de Nadal fractal.

Annèxes modificar

Références modificar

  1. Momentum-Exchange Tethers.
  2. (fr)L'Èra dels robots
  3. (fr)Previsions

Articles connèxes modificar

Ligams extèrnes modificar