Hèsta d'Aran

Era Hèsta d'Aran ei era hèsta nacionau dera Val d'Aran. Se celèbre cada 17 de junh entà commemorar era restitucion deth Conselh Generau d'Aran, 157 ans dempús dera sua abolicion per ua real cédula espanhòla de 1834 e entà celebrar era recuperacion der autogovèrn enes eleccions araneses de 1991.

Era Val d'Aran recuperèc es sues quites institucions un sègle e miei dempús que siguessen abolides damb era creacion des províncies espanhòles e era sua incorporacion ena província de Lhèida. Eth 1313, Jaume II auie autrejat er autogovèrn mejançant era Querimònia. Es actes de celebracion dera Hèsta includissen ua desfilada de penons portadi pes representants de cada terçon, ua missa solemna ath Santuari de Nòstra Senhora de Mijaran, era issada dera banèra e era interpretacion der imne nacionau, Montanhes araneses.