Hèira dera Avelana

Era Hèira de Sant Laurenç, actuauments tanben coneishuda per Hèira dera Avelana ei ua hèira que se celèbre a Riudoms (eth Baish Camp, Catalonha) cada an era dusau dimenjada d'agost.

Era sua origina se tròbe eth 1599, quan se comencèc a celebrar ua hèira agrària e pagesa eth dia 10 d'agost, dia de Sant Laurenç.

Dempús deth 1981, tanben se la nomente Hèira dera Avelana e ei dedicada ad aguest frut sec e aute productes locaus. Era fin ei potenciar eth consum d'aguest frut sec, qu'ei un des principaus productes agricòles conreat a Riudoms e en Baish Camp, en tot hèr conéisher as visitants diferenti formes d'utilizar aguest frut shut, tant ena codina coma era pastissaria, atau coma en bevenda.

Ara hèira tanben s'i pòden trobar atraccions tant entà petiti coma entà grani. Enquiath 2015 es atraccions se metien en pati dera anciana escòla Beat Bonaventura Gran, mès eth 2015 se decidic meter-les a un gran solar que i a en carrèr des avelanièrs.

Actuauments debane pendent era dusau dimenjada d'agost, maugrat qu'es actes prealables comencen mès lèu.

Pendent era hèira, eth dimenge pera tarde, se realize era tradicionau corsa de portaires de sacs de avellanes.

Ligams extèrnes

• (ca) Sit oficial