Gunnar Nordström

Gunnar Nordström (12 de març de 1881, Helsingfors - 24 de decembre de 1923, Helsinki) es un fisician finlandés de la premiera partida dau sègle XX. Es de còps subrenomat « l'Einstein finlandés ».

Fotografia de Gunnar Nordström.

Foguèt famós per son desvolopament d'una teoria de la gravitacion concurrenta de la relativitat generala d'Albert Einstein (1879-1955). Prepausat en 1915, son modèl foguèt lo premier que veguèt l'introduccion d'una dimension suplementària per definir un espaci de cinc dimensions. Aquò permetiá de coblar la gravitat e l'electromagnetisme. Pasmens, sa teoria mau capitèt de preveire la corbadura de l'espaci temps, observada experimentalament en 1919, çò qu'entraïnèt son abandon.

Per la seguida, Nordström participèt au desvolopament dei matematicas necessaris ai calculs relativistas. En particular, establiguèt una teoria escalara qu'èra totjorn utilizada, au començament dau sègle XXI, per l'introduccion pedagogica a la relativitat generala. Estudièt tanben lei traucs negres e participèt a l'elaboracion d'un certan tipe de trauc negre que son d'ara endavant dichs traucs negres de Reissner-Nordström.

Liames intèrnes

• Gravitacion.
• Relativitat generala.
• Trauc negre.