Guenèl

Lo Guenèl (en picard bolonhés: le guénel, deformacion de gai Noël ?, «Nadal gaujós») es una tradicion viva del pòrt de Bolònha de Mar. Per Nadal los dròlles de Bolònha, sonats les margas [mar'ɡa], se passejan per carrièra amb de bledas (bètrapes) curadas, amb la forma d'una cara qu'esclaira una candèla.

Aquesta tradicion que remembra la d'Halloween es tanben viva a Etaples, que li dison tanben guénel.

Tradicions parièras en Occitània

En Naut Carcin, per l'Avent los jovents e los mainatges anavan quistar de farina e d'uòus. Segon Xavièr Vidal, aqueles cants se dison guilhònas, e, dins d'unes vilatges que i a, se cantavan pel Cap d'an. Per Cap d'an se crida Al gui, l'an nuòu (gui es un francisme per vesc).

Ligams extèrnes

• Paraulas e mp3, mai una fòto d'un "guénel"

Referéncias:

• La Memòria musicala de Carcin, Xavièr Vidal, Associacion per las Musicas de Tradicion Populara en Carcin