Guèrra de succession d'Anglatèrra
La Guèrra de succession d'Anglatèrra es un conflicte que se debanèt en 1066 per la succession dau tròne d'Anglatèrra. Opausèt tres pretendents que foguèron lo rèi Harald III de Norvègia, lo rèi Harold II d'Anglatèrra e lo duc de Normàndia Guilhèm lo Conquistaire. Lo conflicte conoguèt dos periòdes diferents. D'en premier, Harald III desbarquèt ambé de tropas lo 20 de setembre. Venceire a Fulford, foguèt batut e tuat a Stamford Bridge per Harold lo 14 d'octòbre. Puei, aqueu darrier se dirigiguèt vèrs lo sud per faciar lei Normands desbarcats lo 28 de setembre. I foguèt a son torn tuat a la Hastings. Guilhèm lo Conquistaire venguèt donc rèi d'Anglatèrra lo 25 de decembre de 1066.
