Guèrra Civila de Nepal
|
Guèrra Civila de Nepal | |
|---|---|
| Informacions generalas | |
| Data | 1996 - 2006 |
| Luòc | Nepal |
| Eissida | Casuda de la monarquiá e proclamacion de la republica Formacion d'un govèrn provisòri d'union nacionala dirigit per lei maoïstas |
| Belligerants | |
 Reiaume de Nepal
|
 Partit Comunista de Nepal (Maoïsta)
|
La Guèrra Civila de Nepal se debanèt de 1996 a 2006 au Nepal entre una guerilha maoïsta formada per lo Partit Comunista de Nepal (Maoïsta) e lei fòrças de la monarquiá nepalesa (polícia puei armada a partir de 2002). Entraïnèt de transformacions prefondas de la societat nepalesa e, finalament, l'afondrament de sa monarquiá e la proclamacion d'una republica en 2006. Après aqueu procès, de negociacions entre lo govèrn provisòri e la guerilha permetèron d'organizar un govèrn d'union nacionala dirigit per lei maoïstas e l'eleccion d'una assemblada en carga de la redaccion d'una constitucion novèla. D'autreis acòrds foguèron concluts regardant lo desarmament de la guerilha e l'integracion d'una partida de sei combatents au sen dei fòrças armadas de Nepal.