Groupe OC
Lo grop ÒC es nascut en 1999 a Argelièrs dins Menerbés (Lengadòc), a l'iniciativa del musician, compositor e cantaire Christian Salès.[1]
Sortit d'una familha lengadociana de vinhairons (lo rèire grand costejèt Marcelin Albèrt pendent la revòlta de 1907), Christian Salès es banhat de cultura meridionala. L'estil del grop ÒC es donc una sintèsi dels mites fondators de l'istòria e la cultura occitana, dels Catars a la revòlta dels vinhairons lengadocians de 1907 en passant per las tematicas dels Trobadors o del Canal del Miègjorn, amb un cant sovent en occitan, de còps quitament en occitan medieval, placat sus una musica New age e electro, a basa d'una mescla originala d'instruments tradicionals e de sintetizors, musica que s'inscriu dins la dralha de las produccions quasi contemporanèas de la fin de las annadas 1980 e de las annadas 1990 coma la de la cantaira irlandesa Enya, o encara mielh, la del grop Enigma o de Era.
Lo primièr album "OC", musique occitane du IIIème millenaire, es publicat lo 12 d'octobre de 1999. Aqueste album obten una capitada considerabla (disc d'aur), e Christian Salès contunha alavetz dempuèi lo projècte del "groupe OC", amb sus l'empont d'espectacles son e lum ambicioses, e d'autres albums estudiòs, totjorn en demorant dins aquela meteissa demarcha artistica, amb d'elements de la cultura occitana pel fons, e per la fòrma, una musica originala e ibrida a basa d'instruments medievals (lira, citara) e modèrnes (sintetizors o ordenators).
Discografia
modificar- 1999 : OC - Musique occitane du IIIème millenaire
- 2002 : Les Cathares (Christian Salès)
- 2005 : Electro médiéval
- 2008 : Lugdunum
- 2012 : Paratge - Symphonie Occitane
- 2014 : Belles Chansons de la Tradition Occitane
- 2016 : Ballade occitane
- 2018 : Héritage