Grop 3 de la taula periodica

Lo grop 3 de la taula periodica es l'ensemble deis elements quimics situats dins la tresena colona de la classificacion periodica.

Periòde	Element quimic		Numèro atomic	Familha d'elements	Configuracion electronica
4	Sc	Escandi	21	Metau de transicion	[Ar] 4s2 3d1
5	Y	Itri	39	Metau de transicion	[Kr] 5s2 4d1
6	Lu	Lutèci	71	Lantanid	[Xe] 6s2 4f14 5d1
7	Lr	Laurenci	103	Actinid	[Rn] 7s2 5f14 7p1

Aqueleis elements fan partida dau blòt d de la taula periodica e son generalament de metaus gris mòus a l'estat pur. Lo pus utilizat es l'itri qu'a d'aplicacions dins la fabricacion de luminofòrs, d'electrolits, de lasers e de materiaus supraconductors. Pasmens, sa produccion annuala es solament de l'òrdre de 600 t. L'escandi e lo lutèci an pauc d'aplicacions car son fòrça raras.

• 
  Escandi
• 
  Itri
• 
  Lutèci

Aquela presentacion respècta una recommandacion emesa en 1988 per l'IUPAC. Pasmens, existís encara un debat important sus la composicion d'aqueu grop. D'efiech, per certanei quimistas, seriá puslèu format de l'escandi, de l'itri, dau lantan e de l'actini. Eissida de representacions ancianas de la taula periodica, aquela composicion es encara populara au sen de la comunautat dei quimistas.

Liames intèrnes

• Element quimic.
• Taula periodica.