Grand Site dels Dos Caps

Lo Grand Site dels Dos Caps es un site natural protegit francés situat sus la còsta d'Opale, de cara al Reialme Unit.

Deu son nom als caps Gris-Nez e Blanc-Nez, dos ensembles de bauces que constituïsson los punts del litoral francés mai pròches d'Anglatèrra.

Lo site es un dels mai emblematics del pargue natural regional dels caps e paluns d'Opale, e un dels mai atractius del nòrd de França (2,5 milions de visitaires per an^[1]).

Geografia modificar

Lo site se tròba sus la còsta d'Opale, entre las vilas de Bolonha de Mar e de Calais.

S'espandís sus 8 comunas, de Wimereux a Sangatte, siá 23 km de faciada litorala :

Lo cap Gris-Nez e lo Petit Blanc-Nez son dins l'arrondiment de Bolonha de Mar.
Lo cap Blanc-Nez es dins l'arrondiment de Calais.

Las dunas de la Slack entre Ambleteuse e Wimereux.

Lo site dels Dos Caps es compausat d'un vast mitan dunari de Wimereux a Audresselles, dins la baia de Wissant e a Sangatte.

Lo paisatge interior es obèrt, leugièrament valonat e dominat pels camps.

Es una importanta zòna de passatge pels aucèls migrators. 5 sites son classats Natura 2000.

(fr) Aqueste article es parcialament o en totalitat eissit d’una traduccion de l’article de Wikipèdia en francés intitolat « Grand Site des Deux Caps ».