Grand Pòrt Maritim de Marselha

Lo Grand Pòrt Maritim de Marselha, conoissut aperavans coma Pòrt Autonòm de Marselha es un establiment public de l'Estat francés, qu'a per tòca au còp de missions de servici public administratiu e de missions de servici public de caractèr industriau e comerciau.

Lei bacins de la Jolieta, sus lo territòri de Marselha

Son estatut de grand pòrt maritim fa qu'es gestionat coma un establiment public de caractèr industriau e comerciau (EPIC). Es encargat d'esplechar, de gerir e de promóure leis instalacions portuàrias de Marselha fins a Fòs.

En 2006, es lo premier pòrt francés, lo premier pòrt de Mediterranèa, lo quatren pòrt europèu e lo 36en mondiau en trafeg totau de merças amb un tonatge de 100,3 milions.

La part vièlha dau Grand Pòrt Maritim bastida a la fin dau sègle dètz-e-nòu per desencargar lo Pòrt-Vièlh s'atròva dins lei quartiers de la Jolieta e d'Arenc. La part que s'espandisse a Fòs fuguèt aponduda dins leis annadas 1970.