Los grands o aujòls (gasc. tanben aujòus, ajòus), avis o rèires (lem. reir(e)s; aup. reire-grands) d'una persona designan los parents de sos parents. Per extension los aujòls o los rèires designan los davancièrs, çò es los ancestres.


Quand es una femna s'apèla la grand-maire, maire-grand, mairina (lem. grand-mair, grandamair, mairgranda, reina-grandamair, granda, anda fam.?; auv. grand, grand-maire; prov. sénher-grand, grand f.; gasc. mair-gran, mairana, mairbona, maircheta {Lav.}.; aran. mair-sénher; aup. maire-grand, grand f.) o simplament la grand/granda.


Quand es un òme s'apèla lo grand-paire, paire-grand (lem. grand-pair, reir-grandpair; auv. grand-paire, grand m.; prov. grand m.; aup. paire-grand; gasc. pair-gran, pairan, gran-pair, pairbon, arrè-pair; aran. pair-sénher; aup. paire-grand, grand m.) o simplament lo grand.


Son tanben apelats dins un lengatge familiar, pairin, pairan, papet, papeta (gasc. papèra/papai/pepè), pepin, papin, pin o encara belet[1] (grand-paire) e mameta, mamet, mamia o menina (lem. menin, memet; gasc. mamai, memè, mameta, pina; aup. mameta, grantona) (grand-maire).

  1. En auvernhat designa tanben l'ancestre o lo bisaujòl, o encara es un nom afectiu balhat a un pichon.