Georgiasaurus pensensis

Georgiasaurus penzensis siguec un reptil marin aué escandit, apartenhent ara familha des plesiosaures. Demorèc pendent eth cretacèu superior (Santonian, hè d'aperaquí uns 85 milios d'annades). Es sues réstes sigueren trapades en Russia.

Descripcion

Aguest plesiosaure siguec classat gràcies a ua esqueleta qu'ère pas sancera e qu'arrecebèc de còps pendent es trabalhs de premaniment dera caisha de husta on ère. Es uassi que subervisquèren èren en mau estat de conservacion mès an permetut rebastir er animal, de prèp de 4-5 de longada. Coma toti es plesiosaures, Georgiasaurus penzensis avie un cos relativaments cuert e tanben avie aletes. Eth còth ère cuert e eth cran prim, semblant a Trinacormerum, tot e que non ère pas tant long.

Classament

Tot e que es uassi èren en plan mau estat, diuèrsi scientifics confirmaren que Georgiasaurus apertenhie ath grop des policotilids, un grop de plesiosaures que demorèc pendent eth cretacèu, de mesures petites o mieies, nautaments especializat e damb un còth mès cuert que non pas eth d'autes plesiosaures. Es fossils de Georgiasaurus sigueren trapadi en Oblast, ena region del Volga, en Russia.

Aguest animal siguec descrit per prumèr còp en 1976 sos eth nom de Georgia antà aunurar Georgy Ochev, eth pair deth scientific que descriguèc eth fossil, mòrt pauc dempús dera publicacion der estudi: Eth nom Georgia ja avie estat utilizat (Baird e Girrard en 1853) e Ochev cambiec aguest per Georgiasurus.

Bibliografia

• V. G. Otschev. 1976. A new pliosaur from the Upper Cretaceous of Penza Province. Paleont. Zhurnal 2:135-138
• G. W. Storrs, M. S. Arkhangel'skii, and V. M. Efimov. 2000. Mesozoic marine reptiles of Russia and other former Soviet republics. In M. J. Benton, M. A. Shishkin, D. M. Unwin, E. N. Kurochkin (eds.), The age of dinosaurs in Russia and Mongolia 187-210