Georges St-Pierre
Georges Saint-Pierre (escaissat "GSP" o "Rush", nascut lo 19 de mai de 1981 a Sant-Isidòr a Quebèc, es un practicant canadian d'arts marcialas mixtas (MMA).
Es uèi considerat coma l'un dels mai grands combatents en MMA de tota l'istòria. A l'encòp complèt, umil, respectuós, e plan atletic, mostrèt pendent sa carrièra sa neta superioritat fisica e tactica sus sos adversaris.
Deten una cencha negra en karaté kyokushin (3na dan) aital coma en jiu-jitsu brasilian.
En novembre de 2006, ven un primièr còp lo campion dels peses mis-mejans de l'Ultimate Fighting Championship (UFC) en batent l'american Matt Hughes, mas o pèrd, en despièch de pronostics favorables, tre sa primièra defensa de cap a Matt Serra, al mes d'abril de 2007. Qualques meses mai tard, es coronat campion interimari dels peses mis-mejans e recupèra enfin son títol en abril de 2008 de cap al quitament Serra. aqueste còp, o defend nòu còps consecutius abans d'anonciar, en decembre de 2013, qu'abandona son títol e que se retira de la competicion per un certan temps.
En febrièr de 2017, una signatura novèla amb l'UFC es oficializada e Sant Pèire s'impausa tre son retorn de cap a Michael Bisping en novembre de 2017 per venir lo campion novèl dels peses mejans de l'UFC. Un mes après la conquista de la cencha, anóncia sofrir d'una malautiá (coliti ulcerosa) e preferir daissar lo títol vacant.
Georges St-Pierre es nascut a Sant-Isidòr, a Quebèc, Canadà. Sos dos parents son d'origina francesa. Comença los espòrts de combat a l'edat de 7 ans per aprene a se defendre contra l'intimidacion dins son mièg escolar e desvolopar la fisança en soi. En parallèl, se passiona per las malescadudas e es classat demest los 25 melhors joves dins aquela disciplina a Quebèc a sos dètz ans. Daissarà tombar las malescadudas per se consacrar pas qu'a las arts martiaux3. St-Pierre comença bèl primièr lo caraté kyokushin e se met puèi al ju-jitsu en seguida del decès de son professor de caraté. Mai tard, practica tanben la lucha e sòmi de venir campion de l'Ultimate Fighting Championship en vesent Royce Gracie ganhar l'UFC 1 en 1993. Ven membre e se desmarca dins l'equipa nacionala canadiana de lucha.
Georges St-Pierre comença sa carrièra professionala en AMM dins l'organizacion canadiana Universal Combat Challenge. Lo 25 de genièr de 2002, afronta Ivan Menjivar pendent l'UCC 7 e empòrta aquel combat.
En junh de la meteissa annada, es réinvité a l'UCC 10 per tal d'encontrar Justin Bruckmann, actual campion dels peses mis-mejans de l'organizacion. Despenja alara sa primièra cencha de campion.
Quatre meses mai tard, defend son títol alara l'UCC 11 de l'11 d'octobre de 2002 de cap a Travis Galbraith que fa sas debutas dins la promocion. Coma pendent la precedenta partida, mena lèu son adversària al sòl. Un còp passat en contraròtle lateral, garça dels còps de coide a la cara qu'acaban per li balhar la victòria per TKO après doas minutas de combat.