Gauvain Sers

Gauvain Sers (Limòtges, lo 30 d'octobre de 1989) es un cantaire de Lemosin (Occitània) de lenga francesa.

Gauvain Sers en 2019

Biografia

Nascut à Limòtges, Gauvain Sers a passat son enfància a Dun (en francés : Dun-le-Palestel) dins la Marcha. A seguit corses de composicion musicala e d'escritura a París.

A partir del mes d'octobre de 2016, assegurèt la primièra partida dels concèrts del Phénix Tour del cantaire francés Renaud. Te comença de cantar en cap d'aficha au Café de la Danse de París lo 24 de març e lo 29 d'abril de 2017.

Son primièr album, Pourvu, sortit lo 9 de junh de 2017, es une capitada de las bèlas : es d'ara enlà certificat disc de platina. Te conteng las cançons Pourvu, Hénin-Beaumont, Mon fils est parti au djihad, Dans mes poches e Entre République et Nation. Aital, fa son primièr Olympia lo 22 de març de 2018.

Au mes de decembre de 2018, te sortís una cançon que va devenir culta : Les oubliés (los oblidats). Cançon engatjada, critica dubèrta d'una politica governamentala francesa pro-parisenca, lo tèxte se fa lo resson del malèstre ambient de la ruralitat (On est les oubliés, les trop loin de Paris, sèm los oblidats, los tròp luènh de París). Aital, es una cançon represa a l'encòp dins las manifestacions dels Corsets Jaunes, e mai dempuèi dins las manifestacions sindicalas. Lo segond album, logicament titolat Les Oubliés, te sortís lo 29 de març de 2019. El tanben es certificat disc de platina.

En 2021, te sortís un tresen album, Ta place dans ce monde.

Discografia

• 2017: Pourvu
• 2019: Les Oubliés
• 2021: Ta place dans ce monde