Galaxia de Seyfert
Lei galaxias de Seyfert son un ensems de galaxias espiralas caracterizadas per un nuclèu fòrça lusent e compacte. Aqueu tipe d'objècte gropa benlèu 5% de l'ensems dei galaxias e, ambé lei quasars, fòrma lo segond tipe fòrça frequent de galaxias activas. D'efèct, son nuclèu es una fònt importanta de raionaments electromagnetic radio, infraroge, ultraviolet e X. Son origina es desconeguda mai es probable liada a l'activitat de son trauc negre supermassís centrau.
