Friedrich Gottlob Keller

Friedrich Gottlob Keller (27 de junh de 1816, Hainichen - 8 de setembre de 1895, Krippen) es un engenhaire alemand dau sègle XIX famós per son trabalh sus la pasta de papier cellulosica.

Seguissent una idèa dau sabent francés Réaumur (1683-1757), estudièt la possibilitat de produrre de papier en utilizant la fusta coma matèria premiera. D'efiech, avans son trabalh, la pelha èra lo materiau de basa de fabricacion dau papier mai la saretat relativa complicava la produccion. A partir de 1841, comencèt la concepcion d'una maquina capabla de transformar la fusta en pasta. Acabèt son projècte en 1844 mai trobèt ges de desbocat. Foguèt donc obligat de s'associar amb l'òme d'afaires Heinrich Voelter (1817-1887) que capitèt de crompar totei lei drechs sus l'invencion en 1852 e que fondèt una importanta companhiá papetiera.

De son caire, Keller, totalament roïnat, deguèt abandonar son trabalh. Pasmens, a partir deis ans 1870, recebèt de dons regulars de part de jornaus en remerciament de son invencion. Aquò li permetèt de crompar un ostau onte se retirèt fins a sa mòrt.

Liames intèrnesModificar

BibliografiaModificar

Nòtas e referénciasModificar