Franquesa (espòrt)
Una franquesa es una equipa esportiva admesa dins una liga professionala barrada gràcias a la crompa de sa plaça e que despend de son proprietari que pòu generalament liurament la vendre ò la transferir dins una autra vila. Son frequentas dins lei ligas professionalas d'America dau Nòrd e d'Oceania.
Es un concèpte qu'es globalament en oposicion amb la nocion de « club esportiu » que son d'equipas esportivas liadas a un endrech e somesas a un sistèma de promoccion e de relegacion au sen d'un ensemble de campionats. Dins aquò, existís de situacions mixtas coma de franquesas evolucionant dins de campionats ò apartenent a de fans, çò que limita lei possibilitats de transferiment. De mai, dins certanei cas, es possible de desmainatjar un club dins una autra vila coma o mòstra lo cas dau premier Tolosa Fotbòl Club que foguèt absorbit per lo Red Star en 1967.