Finlandés (cavau)
Lo Finlandés es una raça de cavau de sèla e de trach originària de Finlàndia. En 2007, foguèt reconeguda coma raça nacionala.
Unica raça originària de Finlàndia, son istòria es mau coneguda mai son existéncia es atestada dempuei au mens lo sègle XIII[1]. Dins lo corrent dau sègle XVI, de crosaments foguèron realizats ambé de raças estrangieras per aumentar sa talha e sa poissança. Aquò permetèt d'obtenir una raça ben adaptada ai trabalhs agricòlas[2] que foguèt fòrça utilizada fins a la mecanizacion de l'economia finlandesa au començament dau sègle XX. Lo nombre de Finlandés demeniguèt alora de 400 000 individús a 20 000. Pasmens, demorèt utilizat per de corsas de tròt.