Familha dominicana

La familha dominicana regropa los fraires dominicans, las mongas dominicanas, las sòrras dominicanas, los membres dels Instituts seculars dominicans, e los membres de las fraternitats laïcas o sacerdotalas dominicanas. La familha dominicana a pas d'existéncia juridica o canonica vertadièra: s'agís d'un tèrme utilizat per designar aquela realitat de gents repartis en divèrses estats de vida (religiós, capelans, laícs...) que vivon dans l'esperit de Sant Domenge, e que sonque una partida es l'Òrdre Dominican a sens estrict.

Ligams amb l'Òrdre dominican

L'Òrdre dominican es compausat des fraires dominicans, de monjas dominicanas, e des laícs fasant partit d'una fraternitat laïca dominicana :

• los fraires dominicans, o fraires predicaires, son de religioses apostolics que vivon en comunautat dins de convents, mai sovent situats en vila.
• las monjas dominicanas son de religiosas contemplativas vivent clautradas dins de monastèris. Aqueles monastèris son generalament situats al camp.
• los laïcs dominicans representent çò que se nomena tanben lo Tresen Òrdre dominican : regropats en fraternitats laïcas dominicanas per zona geografica, aquels fidèls s'engatjan a pregar la Liturgia de las Oras, a aver una activitat apostolica, a se reünir un còp cada mes per pregar e estudiar ensemble.

Aqueles tres categorias an en comun que lor engatjament los liga al Mèstre de l'Òrdre. Es plan vertadièr pels fraires, que lo Mèstre de l'Òrdre a plena jurisdiccion, mas mens per las monjas e, encara mens pels laïcs.

Autres entitats

La familha dominicana compòrta tanben fòrça congregacions de sòrras apostolicas e d'instituts seculars, ligats als fraires, sòrres e laïcs de l'Òrdre Dominican per de ligams d'amistat e de fraternitat.

Se pòt sitar entre autre coma congregacions de sòrras:

• las Dominicanas de Betania: congregacion rassemblant jol meteis abit e sens distinccion de femnas sortissent de preson o au passat pesuc, e de femnas de parcors mai lis.
• la congregation romana de Sant Domenge, congregacion ensenhanta.
• las Dominicanas de l'Esperit Sant, congregacion de sòrras ensenhantas.
• las Dominicanas missionàrias dels camps.
• las Imeldinas, o Sòrras dominicanas de la benaurosa Imelda, institut religiós femenin de droch pontifical.