Fòntsegunha
Fòntsegunha, apelat tanben castèu de Fontsegunha, es un luòc dich de la comuna de Castèunòu de Gadanha en Vauclusa, ont, lo 21 de mai de 1854, foguèt fondat lo Felibritge, per Frederic Mistral, Josèp Romanilha, Teodòr Aubanèu, Joan Brunet, Pau Giera, Ansèume Matieu e Anfós Tavan.Frederic Mistral descriu l'endrech coma una bastida de plasença d'estil italian qu'auriá fach construire un cardinau roman[1]. Lo castèu se tròba pròche de la Fònt de Vauclusa que celebrèt Petrarca dins Chiare, fresche et dolci acque, la cançon 126 de son famós Canzoniere. Lei felibres trobèron l'inspiracion dins aquela proximitat, Teodòr Aubanèu escriguèt: Lou 21 de mai de l’an 1854, sèt jouvènt èron acampa au castelet de Font-Segugno...Couneissès pas lou castelet de Font-Segugno?... Un nis de roussignòu perdu dins la ramiho. Segur, un nis de roussignòu, car de-longo li felibre ié venien canta, au brut di font cascaiarello, en fàci d’aquelo autro font pouëtico, la grand roco bloundo de Vaucluso .
Referéncias modificar
- ↑ René Ribiére, Pétrarque et les sept de Font-Ségugne, Centre internacionau de l'Escrich en lenga d'Òc, Universitat de Provença ; Pétrarque et Font-Ségugne PDF , legir en linha (en archiu)