Evangèli del Pseudo-Matieu

L'Evangèli del Pseudo-Matieu, apelat tanben Libre de la naissença de la benaürosa Verge Maria e de l'enfança del Salvador, es un tèxte que fa partida dels apocrifs del Novèl Testament, que datariá de 550 a 570. Tracta de la nativitat e de l'enfança de Jèsus e a portat de nombrosas tradicions coma l'ase e lo buòu dins la grépia, mas tanben de miracles arribats durant la Fugida en Egipte.

Fa partida dels nombroses relats de l'enfança de Jèsus Crist qu'existisson dempuèi lo sègle segond, e s'inspira del Protoevangèli de Jaume, amb de partidas de l'Evangèli de l'enfança segon Tomàs.