Evagri d'Epifania (vèrs 536 - 594) foguèt un istorian bizantin. Fa partida deis istorians eclesiastics principaus de l'Antiquitat tardiva.

Nascut a Epifania, sa familha s'installèt rapidament a Apamèa après sa naissença. Après seis estudis, anèt a Antiòquia per venir avocat. I venguèt lo conselhier juridic dau patriarca Gregòri Ièr d'Antiòquia (571-594). En particular, menèt un afaire malaisat a Constantinòple en 587 a prepaus d'un conflicte entre lo patriarca e lo còmte d'Orient. Remarcat per sei servicis, foguèt nomat questor per Tibèri II Constantin (578-582) e gardian de registres administratius per Maurici Ièr (582-602).

Son òbra principala es una Istòria eclesiastica de sièis libres escricha de 593 a 594. Conta l'istòria de la Glèisa sus lo periòde 431-593. Son trabalh foguèt caracterizat per l'acceptacion dau subrenaturau (racòntes de miracles), l'utilizacion de documents autentics e l'abséncia de jutjaments sectaris còntra leis eretics dau periòde.

Liames intèrnes modificar

Bibliografia modificar

Nòtas e referéncias modificar