Euclid (telescòpi espacial)
Euclid es un telescòpi espacial. Es estat mandat dins l'espaci lo 1èr de julhet de 2023. La mission es organizada e dirigida per l'Agéncia Espaciala Europèa (ESA). Sa mission es de melhorar las coneissenças sus l'estructura de l'Univèrs en realizant una cartografia precisa de las densitats de matèria e d'energia.
La mission d'Euclid completarà e melhorarà las informacions recampadas pel telescòpi Planck que realizèt sa mission de 2009 a 2013.
Lo 12 de julhet de 2023 Euclid es estat fotografiat pel telescòpi Canada-France-Hawai (CFHT). Euclid èra alara a 920 000 km de la Tèrra en rota vèrs sa destinacion finala, lo punt de Lagrange L2 del sistèma Tèrra-Solelh. Lo 31 de julhet l'Agéncia Espaciala Europèa difusava los primièrs imatges obtenguts per Euclid.