Estanh de Vaciviera

L'Estanh de Vaciviera es un lac artificiau de 9,76 km² que fuguet creat per la construccion d'un barratge situat sus la ribiera de Mauda a la sortida de son valon enquadrat per sos dos peugs, a l'endrech ideau per bastir un barratge. Es la massa d'aiga mai importanta de Lemosin e un daus lacs artificiaus mai grands de França. Se situa au nòrd-oest dau Replanat de Miuvachas, au sen de 'na seuva espessa, dins los departaments de Cruesa e de la Nauta Vinhana, e prep de Corresa.