Estève V (papa)
Estève V (mòrt en setembre de 891) foguèt lo 110en papa de la Glèisa Catolica Romana de setembre de 885 a setembre de 891. Succediguèt a Adrian III (884-885) e foguèt remplaçat per Formòsi (891-896).
.jpg)
Son paire fasiá partida de l'aristocracia romana e fisèt son educacion a l'evesque Zachary, bibliotecari de la Glèisa. Foguèt nomat cardenau-prèire per lo papa Marin Ièr. Elegit lo 15 de julhet de 885, assaièt de refusar e de resistir dins son ostau que sei pòrtas foguèron fòrçadas dins lo corrent de setembre per lo menar per fòrça a sa ceremònia d'intronizacion. En causa de l'unanimitat en favor de son eleccion, l'emperaire Carles III lo Gròs acceptèt de la ratificar.
Dins lo corrent de son pontificat, deguèt faciar una famina entraïnada per la secaressa e deis invasions de sautarèus. Foguèt obligat de posar dins la fortuna de son paire car lo tesaur papau èra estat laissat vuege per sei predecessors. Aquò li permetèt d'ajudar lei paures de la vila, de pagar lo recapte de certanei presoniers e de restaurar plusors glèisas romanas. En revènge, son accion regardant leis afaires religiós foguèt contrastada. En particular, en rason de l'influéncia dau clergat germanic, enebiguèt l'utilizacion de la liturgia eslava, çò que favorizèt l'adopcion dau rite ortodòx per la màger part dei pòbles eslaus.