Estève Garcin
Estève Garcin (Draguinhan, 16 d'abril de 1784 - 23 de novembre de 1859) foguèt un escrivan provençau dau sègle XIX e anterior au Felibritge. Naissèt dins Var, foguèt regent e pregondament monarquista nostagic dei Borbons.
Es l'autor d'un diccionari provençau-francés (paregut en 1823, reeditat tras que melhorat en 1841) e destinat a corregir lo franchimand dei parla-provençau) e d'un roman unic per l'epòca, lo genre e lei proporcions : La robinsona provençala (ca 1840), inspirat dau Robinson Crusoe de Daniel Defoe e qu'imagina un grop de provençaus naufragats sus una illa desèrta onte "civilizan" e provençalizan leis indigènas.
Foguèt un autodidacte e se botèt a escriure en occitan - en provençau orientau - a la fin de sa vida ; com va sotalinha Renat Merle - citat dedins l'edicion de Domenge - escriguèt tard en provençau après aver contribuit a la fin de sa lenga mairala mai amb una grafia "prefelibrenca" inspirada de Josèp Mariús Dieulofet, es a dire ambé leis "r" de l'infinitiu, lei "t" dau participi e leis "s" dau plurau.
Bibliografia
modificar- Garcin, Etienne. La Roubinsouno prouvençalo. Les Presses du Midi : 2010. Edicion de Joan Luc Domenge, majorau dau Felibritge amb una notícia biografica de Renat Merle.
