Estèla dei Voutors
L'Estèla dei Voutors, o Estèla de victòria d'Eannatum, es una estèla realizada per celebrar la victòria dau rèi Eannatum de la ciutat-estat de Lagash còntra la vila rivala d'Umma. Descubèrta dins lei roïnas de Girsu[1], es lo premier vestigi conegut de l'istòria umana tractant d'una victòria militara e dau ròtle guerrièr dau sobeiran. L'estèla complèta es pas coneguda car solament quauquei fragments son estats identificats. Pasmens, sembla un ensemble complèx mesclant registres, racòntes e representacions de la campanha.
