Operacion Mars
L'Operacion Mars ò segonda ofensiva Rzhev-Sychevka se debanèt dins lo corrent de la Segonda Guèrra Mondiala entre lo 25 de novembre e lo 20 de decembre de 1942. Opausèt lei fòrças sovieticas dau Frònt Occidentau e dau Frònt de Kalinin coordenadas per lo generau Gueorgui Júkov a la 9a Armada alemanda dirigida per lo generau Walter Model. L'objectiu de l'Armada Roja èra d'aprofichar la mobilizacion d'importantei tropas alemandas au sud a l'entorn de Stalingrad per atacar e redurre lo salhent de Rhzev. Aquò auriá permes de desgatjar mai Moscòu.
Pasmens, l'ataca aguèt luòc dins de condicions climaticas malaisadas e mau capitèt totalament. Lei Sovietics conquistèron ges de posicion importanta. De mai, perdiguèron entre 250 000 e 350 000 òmes e 1 600 carris còntra solament 40 000 òmes per l'armada alemanda. Sa capitada unica foguèt d'obligar lo mantenement de fòrças alemandas importantas dins lo nòrd dau frònt en plaça de la region de Stalingrad.