Nuèit : Diferéncia entre lei versions

L'escuritat pòt èsser pas totala o existir gaireben pas a l'entorn del solstici d'estiu quand se rapròcha dels pòls. En efèit la durada de la nuèit vària segon la sason mas tanben segon lo luòc ont sèm. D'ont mai sèm prèp del [[Pòl Nòrd]] o del [[Pòl Sud]], d'ont mai la durada de las nuèits vària. A l'[[Eqüator terrèstre|eqüator]] nuèit e jorn son totjorn egals. En fach, aprèp l'equinòcci, las diferéncias de durada entre lo jorn e la nuèit càmbian pus rapidament als pòls que dins las regions situadas entre lo [[tropic del Càncer]] e lo [[tropic del CapricòrnCapricòrne]]. Atal, dins l'[[emisfèri nòrd]], [[Danemarc]] a de nuèits pus cortas qu'[[Índia]], en junh par exemple. Dins l'[[emisfèri sud]], l'[[Antartida]] a al meteis moment (en junh), de nuèits pus longas que [[Chile]]. Los dos emisfèris coneisson los meteis modèls de durada de la nuèit en foncion de lor [[latitud]] mas amb de cicles inversats, descalats de sièis meses : un emisfèri a doncas de nuèits longas (ivèrn) pendent que l'autre gausís de nuèits pus cortas (estiu).