Kepler non acabèt lo primièr cicle de tres annadas abans [[1583]], empachat mai que mai pel sieu emplec de trabalhaire agricòla, entre los nòu e onze ans. En [[1584]], intrèt al Seminari protestant d’[[Adelberg]], e apuèi, dos ans mai tard, al Seminari superior de [[Maulbronn]].
Obtenguèt lo sieu diplòma de fin d’estudis e intrèt en [[1589]] a l’[[universitatUniversitat de Tübingen]]. Ailà, estudièt primièr l’[[etica]], la [[dialectica]], la [[retorica]], lo [[grèc (lenga)|grèc]], l’[[ebrieu]], l’[[astronomia]] e la [[fisica]], apuèi la [[teologia]] e las [[sciéncias umanas]]. I seguiguèt los sieus estudis aprèp l'obtencion d’una [[mestresa]] en [[1591]]. Lo professor sieu de [[matematicas]], l’[[astronòm]] [[Michael Maestlin]], li ensenhèt lo [[sistèma eliocentric]] de [[Copernic]], çò que reservava sonque als sieus estudiants melhors, los autres se devián contentar del [[Geocentrisme|sistèma geocentric]] de [[Ptolemèu]], que plaçava la [[Tèrra]] al centre del [[Mond (univèrs)|mond]]. Kepler venguèt atal un copernician convençut e restèt plan pròche del sieu professor; esitèt pas a li demandar ajuda o conselhs pels sieus trabalhs.
[[Imatge:JKepler.png|thumbnail|Retrait de Johannes Kepler.]]
